ரிலாக்ஸ் உடலுக்கா??? மனதுக்கா???

லெட் அஸ் கம் டு சாந்தி ஆசனா" யோகாசனப்பயிற்சியின் முடிவில் இந்த வார்த்தையைக் கேட்டதும் எல்லோர் முகத்திலும் ஒரு சந்தோஷம்....உண்மையில் சாந்தி ஆசனத்தில் உடல் மட்டுமல்லாது உள்ளமும் சாந்தி பெறவேண்டும்...... உ டல் உறுதி பெறுவது மட்டுமே யோகத்தின் இறுதி இலட்சியமல்ல , மனம் அமைதிபெறுவதே இங்கு உயர்வான இலட்சியம் ........ மனம் பல வார்த்தைகளாலும் , காட்சிகளாலும் நிரம்பியிருக்கிறது. நமது கம்ப்யூட்டரை வேண்டியநேரத்தில் நிறுத்தவும், இயக்கவும் தெரிந்த நமக்கு, வேண்டியநேரத்தில் நமது மனத்தை நிறுத்தத் தெரிவதில்லை. அதனால் பிறப்பிலிருந்து இறப்பு வரை அது ஓய்வில்லாமல் சதா சலித்துக்கொண்டே இருக்கிறது. இதனால் ஒளியாற்றலாகிய உயிரும் சதா குறைந்துகொண்டே இருக்கிறது...

இந்த தொடர் மன அசைவிற்கு நமது கல்வி முறையும் ஒரு காரணமாகிறது. . இந்தக் கல்விமுறையால் எப்படி முழுவதுமாக மனதை உபயோகிப்பது என்று ஒரு பாதியை மட்டுமே கற்றுத் தரமுடிகிறது – அதை ஓய்வெடுக்க கூடியதாக......... நிறுத்துவது எப்படி என்பதை கற்றுக் கொடுக்க முடிவதில்லை. எனவே இந்த மனம் சிலருக்குத் தூங்கும்போதும் தொடர்ந்து செயல் பட்டுக் கொண்டே இருக்கிறது. அதற்கு தூங்கத் தெரிவதில்லை. எழுபது வருடங்கள் அல்லது எண்பது வருடங்கள் அது தொடர்ந்து செயல்படுகிறது. இந்தக் கல்விமுறையால் மனதை முழுவதுமாகப் பயன்படுத்தி ஒரு திறமையான பொறியாளனை உருவாக்க முடிகிறது, ஆனால் மனதை ஓயவு பெறச்செய்து மீண்டும் அவனை இயல்பான மனிதனாக்க முடிவதில்லை....

நம்மால் மனத்தை ஓய்வுபெறச் செய்வது எப்படி???எனக்கற்றுக் கொடுக்க முடிந்தால்...... நமது உயிராற்றலை சேமிக்கமுடியும்.....ஆரோக்கியமான மனிதர்களை உருவாக்குவதும் சாத்தியம்தான். இந்த விசேஷக் கல்வி முறையைத்தான் "யோகம்" என்கிறோம்.... . யோகக் கல்வியால் மனம் தேவைப்படாத போது அதை நிறுத்தும் ஒரு பட்டனை உருவாக்க முடியும்.

நுண்மான் நுழைபுலம்........

நுண்மாண் நுழைபுலம் இல்லான் எழில்நலம்

மண்மாண் புனைபாவை யற்று.  

நண்பர்களே , 

கல்லாமை எனும் அதிகாரத்தில்  ஞான ஆசான்  வள்ளுவன்  கூறிய   குறுகத்தரித்த  குறளே   இது.....

இந்தக் குறளுக்கு   நமது  பெரியவர்கள் கொடுத்த தெளிவுரையை  கூகுளாரின் உதவியோடு   இங்கு காண்போம்.......

நுண்ணிய, சிறந்த பல நூல்களிலும் நுழைந்த அறிவு இல்லாதவனின் உடல் வளர்ச்சியும் அழகும், மண்ணால் சிறப்பாகச் செய்யப்பட்ட பொம்மையின் அழகு போன்றதாகும்.

சாலமன் பாப்பையா

அழகான தோற்றம் மட்டுமே இருந்து, ஆழ்ந்து தெளிந்த அறிவில்லாமல் இருப்பவர்கள், கண்ணைக் கவரும் மண் பொம்மையைப் போன்றவர்களாகவே மதிக்கப்படுவார்கள்.

கலைஞர்

நுட்பமானதாய் மாட்சியுடையதாய் ஆராய வல்லவான அறிவு இல்லாதவனுடைய எழுச்சியான அழகு மண்ணால் சிறப்பாகப் புணையப்பட்ட பாவை போன்றது.

மு.வரதராசன்

'கல்லாமை" எனும் "அதிகாரத்தில்"  ஐயன்  வள்ளுவன் கொடுத்த இந்தக்   குறளை  "யோகக் கண்கொண்டு "பார்க்கும் பொழுது  எனக்கு உணர்த்தப் பட்டவைகளை உங்களுடன் பகிர்ந்து கொள்வதே இந்தப் பதிவின் நோக்கம்....

அறிவு என்றால் என்ன????

வள்ளுவர் கூறுவதைப் பார்ப்போம்....

அறிவுஅற்றம் காக்கும் கருவி செறுவார்க்கும் 

உள்ளழிக்கல் ஆகா அரண். (421) 

இறுதிக்காலம் வரையும் மரணத்தருவாயிலிலும் காப்பாற்றும் கருவி அறிவு ஆகும்; எம படராகிய பகைவர் இந்த உடலுக்குள் உட்புகுந்து அழிக்க இயலாத கோட்டையே "அறிவு "...........

நண்பர்களே, கல்வி என்றால் என்ன??????

ஜீவனை சிவமாக்கும் "சாகாக்கல்வியே " இங்கு கல்வியாகப் போற்றப்படுகிறது.....  சாவை வெல்லமுடிகிற அறிவே இங்கு அறிவாகப் போற்றப்படுகிறது....பிற அறிவெல்லாம் இங்கு வெற்று அறிவாகவேப் பார்க்கப்படுகிறது.....

"நுண்மான் நுழைபுலம் " என்றால் என்ன?????

இங்குதான்  யோக ரகசியத்தை வெளிப்படுத்துகிறார்  வள்ளுவர்...

எண்சான் உடலுக்கும் பிரதானமாகிய சிரசில்  ,.....அதாவது நம்முடைய தலையில்  நுண்ணிய  மாட்சிமையுடைய  ஒரு துவாரம் ,  ஒரு சிறிய துளை உள்ளது....அந்தத்  துளையில்  "வாசியாகிய"  பிராணனை  நுழைத்துச் செலுத்தக்கூடிய  அறிவினைப் பெற்ற யோகியர் "மரண மடைவதில்லை"   .....ஜீவனை  சிவமாக்கி    ஆதியாகிய சிவத்துடன்  ஒன்றி   ஜீவ  சமாதியாகி விடுகின்றனர்.....

சிரசில்  உள்ள  இந்த நுண்ணிய  மாண்புடைய  துவாரத்தில்  "வாசியாகிய" பிராணனை நுழைவிக்கும் அறிவைப்  போதிக்கும்   யோகக்கல்வியே   இங்கு உண்மைக்கல்வியாக , "நுண்மான் நுழைப்புலமாக"   'சாகாக் கல்வியாகப்" போற்றப்படுகிறது.....பிற  கல்வி கற்றவர்கள்  இங்கு நிரம்பக்   கற்றிருந்தாலும்   கல்லாதவர்களாகவேப்  பார்க்கப்படுகிறார்கள்.....

மண்ணால்  செய்யப்பட்ட இந்த உடலை  விண்ணாய் , ஒளியாய் ... மாற்றுவதே  இந்த  சாகாக்கல்வியின்   இலட்சியம்......பரிமாணத்தில்  பிற உயிர்களுக்கு  இல்லாமல்  நமக்கு  மட்டும்  மனித  சரீரம்   வாய்க்கப்பெற்றதே இந்த இலட்சியத்தை  நிறைவேற்றிக்  கொள்ளத்தான் .........அறியாமையினால் வயிறு  வளர்க்கும்  ("மெக்காலே" ) பாடத்தைப்   பயில்பவர்கள்  அழகிய  மண் பொம்மைக்கு  ஒப்பானவர்கள்  என்கிறர்  அய்யன்  வள்ளுவர்....

நமது  தலையில்  உள்ள  இந்த  சிறிய  துவாரம் சித்தர்களால்  

"மயிர்ப்பாலம் "   "சுழிமுனைக்கதவு"  "நெருப்பாறு"  "நூல்பாலம்" "ஞானவாசல்"  என வர்ணிக்கப்பபடுகிறது....

நெற்றிக்கு நேர் உள் நின்றதும் 

நேரான உட்பாறை யுடைத்ததும் 

நெருப்பாறு மயிர்ப்பாலம் கடந்ததும் 

நெஞ்சில் யமவாதை நீக்கியதும் நாமே! நாம்.   

                                                                              என்கிறர்  ,....பரஞ்சோதி மகான்...

வல்லோர்கள் பார்ப்பார்கள் வாட்டியன்தானாய் வாய்க்குமோ யெல்லோர்க்கும் எளிதாச்சோஞானம்

பல்லோர்கள் மாயமாய்கை வாட்டியத்தான்பார் பாங்கான மயிர்ப்பாலம் செதுப்பாதுந்தாண்டித்

தல்லோர்கள் வாசினையைத் தவிடுபொடியாக்கி தரிக்கின்ற வாசியைத்தான் சாதனம்பண்ணி

மல்லோர்கள் மார்க்கமாய் ஆறுதளம் தாண்டி மந்திரியாமர்க்கடக மழிந்துபோமே

                                                                                 

                                                                         என்கிறார்     போகமகரிஷி........

அல்லல்வாசல் ஒன்பதும் அருத்தடைந்த வாசலும்

சொல்லும்வாசல் ஓர் ஐந்தும் சொம்மிவிம்மி நின்றதும்

நல்லவாச லைத்திறந்து ஞானவாசல் ஊடுபோய்

எல்லைவாசல் கண்டவர் இனிப்பிறப்பது இல்லையே.

                                                                                என்கிறார் சிவவாக்கியார்..........

நண்பர்களே,......நுண்மான் நுழைபுலம்  தெரிந்து கொண்டோம்........தக்க ஞான குருவை அணுகி  "உணர்ந்து"  கொள்ளுங்கள்.....

வாளால் வெல்லமுடியாத "வெளி"

சூரியன் தனது கதிர்களைச் சுருக்கி ஓய்வெடுக்கச் செல்லும் மாலை வேளை. தனது அணுக்கத் தொண்டர்கள் புடைசூழ நடந்து கொண்டிருந்தார் ஞானி பிரபுலிங்கா . அருகிலுள்ள கோகர்ணம் எனும் அந்த அழகிய நகரத்தை அடைவதே அவர்கள் இலக்கு.

இருள் கவியத் துவங்கியதும் சிஷ்யர்களுடன் அமர்ந்து, ஞான பாடங்களைப் போதிக்கத் துவங்கினார் ஞானபுருஷர். தனது சிஷ்யர்கள் கேட்கும் கேள்விகளுக்கு ஆழமான அறிவுப்பூர்வமான பதில்களைப் பகிர்ந்து கொண்டிருந்தார் ஞான குரு....சித்துக்கள் பற்றியும் அதனால் ஆகக்கூடிய பயன் ஒன்றுமில்லை என்பதனையும் , "உள்ளபொருளை " அடைவதே உயர்ந்த சித்து என்பதனையும் தெளிவுபடக் கூறினார் ஞானபுருஷர்.

சிஷ்யன் ஆனந்தன் விடுவதாக இல்லை ............

“சாமி..,சித்தர்கள் தங்களது தவ வலிமையால் எண்ணற்ற சித்துக்களைப் பெற்றுள்ளனரே.........தவத்தின் பயன்தானே சித்திகள்..... இந்த ஊரில் வாழ்ந்து வரும் சித்தர் கோரக்நாத் என்பவர் பல சித்துகள் கைவரப்பட்டவர் , அவர் தங்களை நாளை சந்திக்க வரப்போவதாக தகவல் அனுப்பியிருக்கிறார்..........” என்றான்..


“அப்பனே எனக்கு எந்த சித்தியும் இல்லை.... நான் எந்த சித்திகளையும் விரும்பியதுமில்லை ...சித்தமாய் உள்ள பொருளுடன் ஒன்றிணைவதே உண்மையான சித்தி என்பதை உணர்ந்து கொண்டேன்...... இந்த உடல் நானல்ல........ இந்த உடல் என்னுடையதும் அல்ல.....இந்த சரீரம் பஞ்சபூதங்களுக்கு சொந்தமானது,  இந்த சரீரத்தை பயன்படுத்தலாமே தவிர இதனை உரிமை கொண்டாட முடியாது என்பதை உணர்ந்து கொள்வதே உண்மையான சித்தி"............என்று கூறிய ஞானி,
தனது உடலைச் சுட்டிக்காட்டி ,மேலும் தொடர்ந்தார் "இந்த உடலெனும் கூ ட்டுக்குள் உள்ள உருபொருளை உணர்ந்து கொள்வதும் ......, ..இதற்கு அன்னியமான வஸ்து எதுவும் வெளியில் இல்லை என தெரிந்து கொள்வதுமே உண்மையான சித்தி "எனக்கூறிய ஆத்மஞானி ஆத்மவிசாரத்தில் இலயிக்கத் துவங்கினார்...........




சிஷ்யனுக்கோ அவரின் பதில் திருப்தியை கொடுக்கவில்லை.




மறுநாள் அதிகாலை பிரம்மமுகூர்த்தம்.........




தனது சிஷ்யர்களுடன் தியானத்தில் இருந்தார் ஞானி பிரபுலிங்கா... சித்தர் ஒருவர் ஞானியைப்பார்க்க வந்தார் ....தன்னை சித்தர் கோரக்நாத் என அறிமுகப்படுத்திக்கொண்டு தனது  சித்திகளைப் பற்றியும் பெருமையாகப் பேசத்துவங்கினார்...................


ஞானி அவரை வரவேற்று அமரவைத்தார்.


“என்ன ஞானியாரே தவம் செய்கிறீரா??.........நான் தவம் செய்து சாகாவரம் பெற்றிருக்கிறேன்.......எனது பெயர் கோரக்நாத், என்னைப் பற்றித் தெரியாதவர்களே இந்த ஊரில் இருக்க முடியாது .........என்னைப் பற்றியும் என் சித்துக்கள் பற்றியும் கூறவே இங்கு வந்திருக்கிறேன். அஷ்டமா சித்தியை கைவரப்பெற்றவன் நான். ...........அறுநூறு வருடமாக வாழ்ந்து கொண்டிருக்கிறேன் .......எனது உடலை காயகல்பமாக்கி இருக்கிறேன்...” என கூறியவாரே தனது இடுப்பில் வைத்திருந்த வாளை எடுத்து தனது மார்பில் குத்தினார்....

அனைத்து சிஷ்யர்களும் அந்த பயங்கரமான செயலால் அதிர்ச்சி அடைந்து எழுந்து நின்றார்கள்...

ஆனால் கோரக்நாத் கையில் இருந்த வாள் வளைந்து போயிற்று. அவர் உடல் காயகல்பம் ஆனதால் வாளைவிடக் கடினமாக மாறியிருந்தது.


கோரக்நாத் ஞானி பிரபுலிங்காவை பெருமையுடன் பார்த்தார்...அவர் பார்வையில் உன்னால் இதுபோல முடியுமா? என்று கேட்பது போல இருந்தது..........சிஷ்யன் ஆனந்தன் ஆச்சர்யத்தில் அசந்து போயிருந்தான்.


ஞானி மெல்ல புன்முறுவல் பூத்தார்.........தனது சிஷ்யர்களிடம் வாள் கொண்டு வரச் சொன்னார். அதை கோரக்நாத்திடமேக் கொடுத்து தனது உடலில் பாய்ச்ச சொன்னார்....சிஷ்யர்கள் செய்வதறியாது திகைத்து நின்றனர்....


முழுவேகத்துடன் வாளைச் சொருகினார் சித்தர் கோரக்நாத்.... வாள் அந்த ஞான புருஷரின் உடலில் புகுந்து மறுபுறம் வெளியே வந்தது...

வேகமாக வாளைச் சுழற்றினாலும் அது காற்றில் சுழலுவதைப் போல சுழன்றதே தவிர அவர் உடலைக் காயப்படுத்தவில்லை ...அவர் உடல் அங்கு இருந்தாலும் வாள் அதைத் தொட முடியவில்லை...


ஞானி பிரபுலிங்காவின் முகம் ஆணவமற்று, பறித்தெடுத்தப் பங்கஜத்தைப் போல் இருந்தது....அந்த அன்றலர்ந்த தாமரை மெதுவாகப் பேசத்துவங்கியது............





"சித்தரே..................சித்த நிலை என்பது உமது சித்தத்துடன் நின்றுவிடுவது, ஞான நிலை என்பது "நான்" எனும் அகந்தையை வேறுடன் எடுத்து சித்தத்தைக் கடந்த சுத்த வெளியில் சுதந்திரமாக இருக்கும் தன்மை... ஒருவன் ஞானம் அடைந்ததும் ஆகாசத்தை போல சுத்தமாகிவிடுகிறான்..அவனை எதுவும் தடுக்கவோ அசுத்தப்படுத்தவோ முடியாது.....சித்தன் உடல் எனும் எல்லைக்கு உட்பட்டவன்............ஞானியோ எல்லை அற்றவன்..............உமக்கும் உலகத்தாருக்கும் ஞானிக்கு சரீரம் இருப்பதாகத் தெரிகிறதேத்தவிர.....உண்மையில் ஒரு ஞானியின் நிலையில் அந்த ஞானிக்கு உடலில்லை........மேலும் தவத்தின் பயன் இந்த சரீரம் சாகாமல் இருப்பதற்காக எனத் தவறாகப் புரிந்து கொள்கிறீர்கள்............தன்னை அறியும் பயணத்தில் இந்த சரீரம் ஒரு வாகனம்.....அவ்வளவே..........தன்னை அறிவதே இங்கு இலட்சியம்......"தான்" ஒரு முக்த புத்த, சுத்த, வஸ்து எனத் தெரிந்தபின் ...இங்கு வாகனம் ஒரு சுமையானப் பொருளாகி விடுகிறது.".

..........ஞானியின் உபதேசத்தால் சித்தரின் கண்கள் குளமாகின............


சித்தர் கோரக்நாத் ஞானியின் கால்களில் பணிந்தார்...தனக்கு ஞானத்தை வழங்க வேண்டும் என கேட்டுக்கொண்டார்...


சத்குரு பிரபுலிங்கா பிரம்ம வித்தையை அவருக்கு கற்றுக்கொடுக்க ஆயத்தமானார்.......

சித்தமாய் உள்பொருளைத் தேர்ந்து இருத்தல் சித்தி 
பிற சித்தி எல்லாம் சொப்பனம் ஆர் சித்திகளே - நித்திரை விட்டு 
ஒர்ந்தால்  அவை மெய்யோ?  உண்மைநிலை நின்று பொய்மை
தீர்ந்தார் தியங்குவரோ தேர்..........................................................பகவான் இரமணர்

முத்திரை பிராணாயாமம்

மனநிலை பாதிப்படையும்போது உடலின் குறிப்பிட்ட ஒரு பகுதியில் பிராணஓட்டம் அதிகமாகவோ குறைவாகவோ செல்கிறது. அப்போது பிராணனின் சரநிலை பாதிப்படைகிறது. சரநிலை மாறும்போது, நோய் என்று நாம் அழைக்கின்ற ஒன்று உண்டாகிறது. பிராண தேக்கம் இருக்கும் இடத்திலிருந்து அதை எடுக்கவோ, பிராணக்குறைவு இருக்கும் இடத்தில் பிராணனை நிரப்பவோ செய்யும்போது நோய் குணமாகிறது.                                    

உடலின் எந்தப் பகுதியிலாவது தேவைக்கு அதிகமாகவோ குறைவாகவோ பிராணன் உள்ளதா என்பதை அறிவதற்கும், ஒரு குறிப்பிட்ட இடத்திற்கு பிராணனை செலுத்துவதற்கும் முத்திரைப்பிராணாயாமத்தால் மட்டுமே முடியும்.                                                

முத்திரைப்பிராணாயாமத்தால்,உணரும் சக்தி மிக நுட்பமாகி, அதன்மூலம் கால் விரலிலோ அல்லது கை விரலிலோ உடலின் எந்தப் பகுதியில் பிராணன் குறைந்துள்ளது என்பதை அறிவதோடு அங்கு அதைச் செலுத்துவதற்கான ஆற்றலையும் யோகி பெறுகிறான். பிராணாயாமத்தின் பல்வேறு பயன்பாடுகளில் இதுவும் ஒன்று. 

                                         

இதனை மெதுவாக, படிப்படியாகப் பயில வேண்டும். பிராணனைப் பல தளங்களில் கட்டுப்படுத்துவதும் கையாள்வதும் எப்படி என்பதைக் கற்பிப்பதே சிவராஜயோகத்தின் முழு நோக்கம். ஒரு மனிதன் தன் ஆற்றல்களை ஒருமுகப்படுத்தும்போது, தன் உடலிலுள்ள பிராணனையே ஒருமுகப்படுத்துகிறான்.

 —

முகநூல் விருந்து...

• 
  
• 
  
• 
  
• தூணிலும் ,துரும்பிலும் உணரமுடியாத இறை இருப்பை மனம் பேசுவதை நிறுத்தும்போதே உணரமுடிகிறது.....
• 
  
• Mathi Vanan அப்போ மனம் எங்கே இருக்கிறது? மனதை எப்படி நிறுத்துவது ?

  23 hrs · Like
• 

  Master Shiva “எண்ணங்களே மனம் யாவினும் நானெனும் எண்ணமே மூலமாம் உந்தீபற; யானாம் மனம் எனல் உந்தீபற” "

  22 hrs · Edited · Like · 3
• 

  Mathi Vanan எண்ணமே இல்லாமல் இருக்க வழி என்ன?

  22 hrs · Like
• 

  Master Shiva வளியுள்ளடக்க வலைபடு புட்போல் உளமும் ஒடுங்குறும் உந்தீபற : ஒடுக்க உபாயமிது உந்தீபற"

  22 hrs · Like · 2
• 

  Chandrasekar Rengaraj Good

  22 hrs · Like
• 

  Mathi Vanan எனக்கும் மற்றவங்களுக்கும் புரிகிற மாதிரி சொல்லுங்க...

  22 hrs · Like
• 

  Master Shiva மதி , நம்முடைய சுவாசத்திற்கும் மனதிற்கும் நேரடியான தொடர்பு உள்ளது .....சுவாசம் ஒடுங்க மனம் ஒடுங்குகிறது.,மனம் ஒடுங்க சுவாசம் ஒடுங்குகிறது.....இதையே திருமூலரும் மன்மனம் எங்குண்டு வாயுவும் அங்குண்டு மன்மனம் எங்கில்லை வாயுவும் அங்கில்லை என்கிறார்.........இதையே யோக குரு பதஞ்சலியும் ."சலே வாதம் சலே சித்தம் நிச்சலம் நிச்சல பவதி"என்கிறார்.......

  22 hrs · Like · 10
• 

  Chandrasekar Rengaraj Good master

  22 hrs · Like
• 

  Master Shiva வளி என்றால் காற்று .....மூச்சுக்காற்றைப் பிடிக்கும் "பிராண ஆயமப் " பயிற்சியை மேற்கொள்ளும்போது "புள்" என்று சொல்லக்கூடிய பறவையானது எப்படி வலையில் மாட்டிக்கொள்ளுமோ அதுபோல இந்த மனமும் வலையில் மாட்டிக்கொள்ளும் என்கிறார் ........ரமண பகவான்.

  22 hrs · Like · 7
• 

  Yoga Kumaran ரேசகம் (மூச்சை வெளியே நிறுத்துதல்) இதை தெளிவாக உணர்த்தும், அருமையான பதிவு, குறிப்புகளோடு உணர்த்தியது இன்னும் சிறப்பு

  22 hrs · Like · 3
• 

  Master Shiva நாம் ஒன்றும் சொல்வதற்கில்லை யோக குமரன் சார்......எனக்கும் உங்களுக்கும் குருமார்கள் போட்ட பிச்சை அவங்க சொன்னதை நாம் சொல்கிறோம்........பாம்பின் "கால்" பாம்பறியும்.....

  22 hrs · Like · 4
• 

  Mathi Vanan மூச்சு காற்றை எப்படி பிடிப்பது?

  22 hrs · Like · 1
• 

  Mathi Vanan அன்னையின் வயிற்றில் இருக்கும் குழந்தை சுவாசிப்பது இல்லையே, பிறந்தவுடன் அக்குழந்தைக்கு மூச்சு விட யாரும் சொல்லி கொடுப்பதில்லை....

  22 hrs · Like · 1
• 

  Yoga Kumaran ஆம் ஐயா, குருவே நம்மை விதை நெல்லாய் மாற்றும் வித்தை அறிந்தவர். என்குரு கோடிசாமிகளின் திருவடிகளே எனக்கான ஞான வகுப்பறை

  22 hrs · Unlike · 3
• 

  Santhanam Kriahnan எண்ணங்கள் நின்று விட்டால் மனம் மட்டும் தான் இருக்கும்

  22 hrs · Like
• 

  Master Shiva மதி, குழந்தை மூச்சை வெளிவிடவில்லை அதனால்தான் "குழந்தையும் தெய்வமும்" ஒன்று என்கிறோம்......நாம் மூச்சை வெளிவிடுகிறோம்......அதனாலேயே நமக்கு சித்தம் விருத்தியாகி மனச்சலனம் உண்டாக்கிறது.....ஏற்றி இறக்கி இருகாலும் பூரிக்கும் காற்றை பிடிக்கும் கணக்கு நமக்கும் தெரிந்தால் நாமும் குழந்தையாக மாறி இறை நிலையை எட்ட முடியும்.....

  22 hrs · Like · 7
• 

  Mathi Vanan அருமையான விளக்கம், மூச்சை எப்படி வெளியே விடாமல் நிறுத்துவது?

  21 hrs · Like · 1
• 

  Mathi Vanan மூச்சை வெளியேவிடாமல் மூக்கை இருக்குமாக பொத்தி கொண்டால் உயிர் போய் விடுமே! என்ன செய்வது.... 
  
  சார்: நான் அதிகபிரசங்கி தனமாகவோ விவாதம் செய்யவேண்டுமோ என்கிற எண்ணம் எனக்கு இல்லை. ...See More

  21 hrs · Like · 3
• 

  DrHariharan Subramanian ஆஹா நல்ல விருந்து..

  21 hrs · Like
• 

  Ragava Lukin Fo Change நீங்கள் வலுக்கட்டாயமாக நிறுத்த வேண்டாம் மதி. வெறுமனே கவனியுங்கள். வாசி அடங்கி ஊசி திறக்கும்

  21 hrs · Like · 1
• 

  புஷ்ப ஜோதி ஊசி திறக்குமா? எந்த ஊசி? அது எங்கே இருக்கிறது?

  20 hrs · Like
• 

  புஷ்ப ஜோதி மூச்சை வெறுமனே கவனித்து, யாருக்காவது ஊசி திறந்து உள்ளதா?

  20 hrs · Like
• 

  Master Shiva வாசியும் ஊசியும் பேசும் வகையினால் பேசித்திரிந்து பிதற்றிப் பயனில்லை ..........என்கிறார் திருமூலதெய்வம். "வாசி" அடங்க "ஊசி " திறக்கும்........ஊசி திறக்க வாசி அடங்கும்...."கையை" "காலை" ப் பிடித்து காரியத்தை சாதித்துக் கொள்வதுதானே புத்திசாலித்தனம். காலாகிய "வாசியை" பிடிக்காமல் கையாகிய "ஊசியை" திறக்கத் தெரிந்தால் சந்தோசமே...............

  12 hrs · Edited · Like · 2
• 

  Gopalakrishnan Subbiah Sugam

  12 hrs · Like
• 

  Master Shiva "நாணை" ச் சாப்பிடுவது மட்டுமா விருந்து????????? "நான்" சாப்பிடுவதும் விருந்துதானே DrHariharan Subramanian ....

  12 hrs · Edited · Like · 4
• 

  Varma Ganesh Coimbatore Useful message for us

  10 hrs · Like
• 

  Mathi Vanan //"வாசி" அடங்க "ஊசி " திறக்கும்........ஊசி திறக்க வாசி அடங்கும்.// 
  
  வாசியும் ஊசியும் அடங்க என்ன பயிற்சி செய்ய வேண்டும்?

  8 hrs · Like · 1
• 

  புஷ்ப ஜோதி //குழந்தை மூச்சை வெளிவிடவில்லை அதனால்தான் "குழந்தையும் தெய்வமும்" ஒன்று என்கிறோம்.// 
  
  பிணத்திற்கு கூட மூச்சு இல்லை... அதனால் தான் அவரை தெய்வமாக வணங்குகிறோமோ? ...See More

  8 hrs · Like · 1
• 

  புஷ்ப ஜோதி தயவு செய்து தெளிவுபடுத்துங்கள்

  8 hrs · Like · 1
• 

  Master Shiva புஷ்ப ஜோதி, ........ ஆத்ம நமஸ்காரம் ..........குழந்தை சுவாசத்தை நாசியின் மூலமாக வெளிவிடவில்லையே தவிர சுவாசம் இல்லாமலில்லை நாசியின் மூலமாக சுவாசம் நடக்காமல் உள்முகமாக நடக்கிறது .......சுவாசம் உள் ஒடுங்கி மேல்(ஊர்த்துவ) கதியாகி பிராண ஒடுக்கம் ஏற்பட...See More

  6 hrs · Edited · Like · 3
• 

  Hari Shankar Master Shiva Finishing touch மிகநன்று! சரியானஅணுகுதலும்கூட..

  7 hrs · Like
• 

  புஷ்ப ஜோதி நல்ல விளக்கம், இந்த பிராணன், சுவாசம் மூச்சு, நாடி எல்லாம் அந்த உயிரில் தானே ஒடுங்குகிறது? இது சரியா? தவறாக இருந்தால் திருத்தி கொள்கிறேன்.

  6 hrs · Like
• 

  Mathi Vanan சிவா சார்: உங்கள் பதிலும்பேரானந்தத்தை தருகிறது...

  5 hrs · Like
• 

  Mathi Vanan பிராணன் வேறு? பிரணவம்வேறா?

  5 hrs · Like
• 

  Master Shiva தவறல்ல புஸ்பஜோதி ........நீங்கள் சொல்வதுதான் உண்மை.......உடல் ,உள்ளம் , எல்லாம் உயிரில் ஒடுங்குகிறது என்பது சத்தியம் ....சாஸ்வதம்.....ஆனால் அந்த உயிரை இந்த உடலில் நிலை நிறுத்திக்கொள்ள பிராணன் அவசியம் .....அந்த உயிரை இந்த உடல் பிணமாவதற்கு முன்பே இந்த உடலிலேயே உணர்ந்துகொள்ள நமது யோக குருமார்களால் கூறப்பட்ட"பிராண ஆயமமும்" ஒரு உபாயம்......ஒரு உபாயமே தவிர.....இது மட்டுமே மார்க்கமல்ல...

  5 hrs · Edited · Like · 3
• 

  புஷ்ப ஜோதி நன்றி மிக்க மகிழ்ச்சி. உயிரை உடலில் நிலை நிறுத்திக்கொள்ள பிராணன் அவசியம் என்று சொல்றீங்க நன்றி ஒத்துகொள்கிறேன். 
  
  அப்போ பிராணனை பெருக்கினால் உயிரை நிலை நிறுத்தி கொள்ள முடியுமல்லவா? ஏன் பிராணனை யாமம் செய்ய வேண்டும்? பிரணா + யாமம் = பிரணாயாமம் . "யாமம்" என்றால் என்ன அண்ணா?

  5 hrs · Like
• 

  Master Shiva புஸ்பஜோதி ,.....பிராணன்+ ஆயமம் என்பதே சரி ......ஆயமம் என்றால் கட்டுப்படுத்துதல்....அல்லது பாதுகாத்தல் எனப்பொருள்.

  5 hrs · Like · 1
• 

  புஷ்ப ஜோதி நன்றி அண்ணா. உயிர் ஒளியா?

  5 hrs · Like
• 

  Master Shiva http://yogashiva.blogspot.com/2011/01/blog-post_23.html...

  

  Yoga Yuva Kendra: நடை கவனி வளி தெரியும்- விளக்கம்

  ஒரு சாதாரண வாழ்க்கையைவிடமேம்பட்ட...

  YOGASHIVA.BLOGSPOT.COM

  5 hrs · Like · Remove Preview
• 

  புஷ்ப ஜோதி பகிர்தலுக்கு நன்றி அண்ணா, 
  
  // நடை என்றால் மூச்சோட்டம் எனப்புரிந்திருக்கும். "வளி" என்றால் காற்று. (வளிமண்டலம் என்று கூறுகிறோமே. )....See More

  5 hrs · Like
• 

  புஷ்ப ஜோதி சுத்தவெளி, பரவெளி என்பதும் காற்றா?

  5 hrs · Like
• 

  புஷ்ப ஜோதி வெளி என்பது - ஆகாசம் 
  வளி என்பது - காற்றா - சரியா?

  5 hrs · Unlike · 1
• 

  Master Shiva http://yogashiva.blogspot.com/2011/11/blog-post_28.html...

  

  Yoga Yuva Kendra: திருக்கண் நோக்கம்

  யோகா என்னும் கடலை ஒரு சிறு துளியில் மிகவும் அற்புதமாக ,தெளிவாக புரியவைத்து...

  YOGASHIVA.BLOGSPOT.COM

  4 hrs · Like · Remove Preview
• 

  புஷ்ப ஜோதி இந்த திருக்கண் நோக்கம் என்ற தலைப்பில் எனக்கு கொடுத்த நோக்கம் என்னவோ? 

  4 hrs · Like
• 

  புஷ்ப ஜோதி இது தான் ஜீசஸ் "அக்னி மூலமாகவும், பரிசுத்த ஆவி மூலமாகவும் ஞானஸ்தானம் கொடுத்தார் என்பதா?

  4 hrs · Unlike · 1
• 

  புஷ்ப ஜோதி அக்னி = ஒளி 
  பரிசுத்த ஆவி - பிராணன்.... ...See More

  4 hrs · Unlike · 1
• 

  புஷ்ப ஜோதி ஒருவருக்கு பிராணசக்தி பெருகி இருப்பதை எப்படி அறிந்து கொள்ள முடியும்?

  4 hrs · Like
• 

  Master Shiva 

  4 hrs · Like
• 

  புஷ்ப ஜோதி அண்ணா! பிராணனை பெருக்க மூச்சு பயிற்சியை தவிர்த்து, வேறு ஏதாவது பயிற்சிகள் இருக்கிறதா? 
  
  ஏன் கேட்கிறேன் என்றால், வயதுமிக்கவர்கள் சுவாசிக்கவே சிரமபடுகிறார்கள்... இந்த மூச்சு பயிற்சிகளை செய்து எனக்கு தெரிந்த அன்பர்கள் சில உடல் உபாதைகளை சந்தித்து உள்ளார்கள். 
  
  இரகசியம் என்று சொல்லி நிறுத்தாமல் தெளிவு படுத்துங்கள் .

  4 hrs · Like
• 

  புஷ்ப ஜோதி பிரணவத்தின் அடி நடு முடி நின்றோங்கும் திருவடிகள் ” – வள்ளலார் வாக்கு
  
  இதன் உட் பொருள் :...See More

  3 hrs · Unlike · 1